Regnbogakaka

Heimasætan varð 14 ára á miðvikudaginn og var með afmælisveislu fyrir bekkjarsystur sínar í gærkvöldi. Duttum í haust niður á þessa frábæru köku. 

 

 

 

 

 

 

 

 

 

 

Kökubotnarnir eru fengnir af þessari síðu http://liljakatrin.wordpress.com/2011/01/13/gedveikislega-falleg-regnbogakaka-uppskrift/ en ég breytti aðeins aðferðinni.

 

Botnar.

2 bollar sykur

250 gr. smjörlíki

4 egg

3 bollar hveiti

2 tsk lyftiduft

3/4 tsk salt

1 bolli mjólk

1 msk. vanilludropar

matarlitur a.m.k. gulur, rauður og blár

 

Þeyta vel saman sykur og smjörlíki. Þeyta eggin saman við. Bæta rest í (nema matarlit) og þeyta eins stutt og hægt er að komast af með.

Skipta deiginu í 6 skálar, u.þ.b. 250 gr. í hveri og lita með sitt hvorum litnum, hér rauður, appelsínugulur, gulur, grænn, blár og fjólublár.

Smyrja lítil kökuform (18 cm) með bræddu smjörlíki og dusta með hveiti.

Baka við 180°C í 10-15 mínútur. Kæla.

 

Krem

300 gr. smjörlíki eða smjör

600 gr. flórsykur

1-2 egg

1-2 msk. vanillusykur 

matarlitur (rauður)

 

Setja allt nema matarlit í skál og þeyta þar til nánast hvítt.

Setja botnana saman með hluta af kreminu. Hræra rauðum matarlit í restina af kreminu þar til hæfilega bleikt og smyrja utan um kökuna. Sprauta kremi til skrauts ef vill. Setja má skrautsykur yfir ef vill.

 

Mér finnst best að nota þykkan matarlit úr Húsasmiðjan/Blómaval. 

 

 

 

Svínakótilettur með Röstikartöflum

Fljótlegur og góður réttur. Uppskriftin miðast við 2 fullorðna.

 

 

 

 

 

 

 

 

Hráefni

2 svínakótilettur

SeasonAll

Röstikartöflur

2-4 kartöflur

Salt

Svartur pipar 

Sósa

1/2 piparostur

1 dl vatn

1-2 dl rjómi

1 tsk kjötkraftur

1 tsk rifsberjahlaup

1 tsk dijon sinnep

Spínatmauk

1/2 poki spínat

1-2 hvítlauksrif

salt

svartur pipar

1 tsk smjör

Aðferð 

Byrja á að gera sósuna, brytja ostinn og hita í vatninu í potti, bæta svo hinu í og láta malla, þar til hæfilega þykkt. 

Svínasneiðar kryddaðar með SeasonAll og steiktar í olíu á pönnu.

Rífa niður kartöflurnar, skola í vatni þurrka, salta og pipra, gera litla klatta og steikja á pönnu.

Klípa stilkana af spínatinu, setja í pott með mörðum eða smátt söxuðum hvítlauk, krydda með salti og pipar og setja smjörið saman við. Láta suðuna koma upp. 

 

Grænmetisbaka

 

 

 

 

 

 

 

 

 

 

 

 

 

 

 

Eitt það besta sem ég borða er heimagerð grænmetisbaka. Kjörin til að hreinsa upp afganga í skápnum og hægt að setja nánast hvað sem er í. Svona finnst mér hún best.

 

Botn:

 

250 gr hveiti

150 gr kalt smjör í litlum teninum

1/2 tsk salt

Sett í matvinnsluvél og "púlsað" saman í matvinnsluvél.

1 eggjarauða

2-4 msk vatn

bætt í.

Sett á borð, hnoðað snöggt saman, setja plast utan um og geyma í ísskáp í a.m.k. 1 klukkustund, má vera allt að 1 sólarhring.

Þá flatt út og sett í bökuform. Blindbakað (setja bökunarpappír yfir og fylla með baunum eða hrísgrjónum) við 200°C í 15-20 mínútur. Þá er pappír og baunir/grjón tekið af og bakað í ca. 10 mínútur í viðbót.

 

Fylling:

 

8-10 sveppir

1/3 - 1/2 púrrulaukur

1/2 blómkálshaus

1/2 poki spínat

1 tsk grænmetiskraftur (óskar)

olía/smjör

3 egg

3 dl rjómi eða rjómi/mjólk til helminga

100 gr rifinn ostur

smá salt og svartur pipar ef vill 

Saxa grænmetið, hita smjör/olíu á pönnu, steikja fyrst sveppina á pönnu, bæta síðan hinu grænmetinu í og grænmetiskraftinum.

Setja í bökuna.

Hræra saman egg og rjóma, bæta ostinum í og krydda ef vill.

Hella yfir grænmetið.

 

Baka við 200°C í 30 mínútur eða þar til hæfilega bökuð.

Borið fram með fersku salati eða ein og sér. 

Gott bæði heitt og kalt. 

 

 

 

 

 

 

 

 

 

 

 

 

 

 

 

 

Má frysta þegar tilbúið og hita upp í bakaraofni. 

Pannetoni-brauð

Pannetoni brauð er ættað frá Mílanó á Ítalíu og er mjög algengt hátíðarbrauð þar, bæði til að borða um jól og áramót og ekki síður um páska. Brauðið á að baka í uppmjóu formi, hæfilegt að það sé um 15 - 18 cm á breidd og álíka hátt.

Ég hef komið mér upp þeirri hefð að baka mörg svona brauð fyrir jólin og gefa, þau geymast vel, þó það reyni reyndar sjaldan á það það sem það klárast fljótt bæði hjá mér og öðrum. Ítalska hefðin er að skera það niður eins og tertusneiðar og bera fram með sætu víni eða freyðivíni. Mér finnst hinsvegar best að smyrja sneiðina smávegis og drekka gott kaffi með.

 Um síðustu jól var ein af þeim sem ég gef alltaf svona brauð stödd í Noregi þannig að ég ákvað að gefa henni brauðið núna. 

 Þó þetta virðist flókið við fyrstu sýn er það alls ekki svo, bara að gefa brauðinu góðan tíma til að hefast og á meðan er hægt að gera svo margt annað.

Uppskriftin að mestu fengin úr uppáhaldsuppskriftabókinni minni sem heitir "Joy of Cooking" 

 

 

 

 

 

 

 

 

Hráefni og aðferð.

1 bolli volgt vatn (35-38 °C)

1 1/2 msk þurrger (ca. 1 bréf)

1 bolli hveiti

 

 

 

 

 

 

 

 

Hrærið þessu saman í hrærivélarskálinni, þar til hefur samlagast.

 

 

 

 

 

 

 

 

Setja plast eða viskustykki yfir og látið hefast í u.þ.b. 30 mínútur.

1/2 bolli smjör (verður að vera smjör að mínu mati)

1/2 bolli sykur

 

 

 

 

 

 

 

 

Hrært vel saman

3 egg

Hrært saman við smjörblönduna, eitt í einu

 

 

 

 

 

 

 

 

1 tsk salt

2 tsk fínraspaður börkur af sítrónu, bara guli hlutinn.

Hrært saman við smjörblönduna.

Blandið saman við gerblönduna í hrærivélaskálinni.

 

 

 

 

 

 

 

 

3 1/2 bolli hveiti

Sett út í deiggrunninn og hnoðað með hnoðaranum eða "káinu" í u.þ.b. 5 mínútur.

 

 

 

 

 

 

 

 

100 gr. rúsínur

50 gr. saxaðar heslihnetur eða möndlur

50 gr. Súkkat

Hnoðað saman við.

Hylja skálina með viskustykki og látið hefast í u.þ.b. 2 klukkustundir eða hefur tvöfldast að stærð.

 

 

 

 

 

 

 

Setja örk af bökunarpappír inn í 2 hæfileg form og smyrja með bræddu smjöri. Skipta deiginu varlega í 2 hluta og setja í sitthvort formið.

 

 

 

 

 

 

 

 

Setja viskurstykki yfir og látið hefast í u.þ.b. 30 mínútur, smyrja þá með bæddu smjöri og setja í 200 gráðu heitan ofn og baka í u.þ.b. 30 mínútur.

Ef eigið ekki nógu háan form, þá er hægt að setja "maskínu"pappír inn í forminn sem nær hæfilega upp fyrir barmana, síðan er bökunarpappír settur innan í þannig að hylji "maskínu"pappírinn. 

 

Vanilluostakaka með karmellubráð.

Á von á góðum gestum í kvöldmat á morgun, fannst því tilvalið að æfa mig í ostakökugerðinni, löngu búin að komast að því að einfalda útgáfan er best og svo breytir maður til með bragðefnum. Algjör óþarfi að vera alltaf að finna upp hjólið.

Nú ákvað ég að gera vanilluostaköku með karmellubráð til að hafa í eftirmat.

 

 

 

 

 

 

 

 

 

 

 

Hráefnin eru eftirfarandi

Botn

1 pk, Lu Bastogne kex mulið smátt

100 gr bráðið smjör 

Krem

400 gr rjómaostur

2,5 dl þeyttur rjómi

2-3 tsk vanilla

2 msk sykur

Karmella

3 dl rjómi

3 msk sýróp (úr grænu dollunum)

3 msk sykur

1 tsk smjör

1 tsk vanilla  

 

 

 

 

 

 

 

 

Blanda saman kexmulning og bráðnu smjöri 

 

 

 

 

 

 

 

 

Setja hring af 24 - 26 cm smelluformi  á tertufat og setja kexblönduna í botn og aðeins upp á barma. Kæla aðeins.

 

 

 

 

 

 

 

 

Þeyta aðeins upp rjómaostinn með sykrinum og vanillunni. Blanda varlega saman við þeytta rjómann. Bragðbæta með vanillu og sykri ef vill. Kæla aðeins.

 

 

 

 

 

 

 

 

Setja öll hráefnin í karmelluna saman í pott og hitað við vægan hita þar til hæfilega þykkt, kæla í 10 - 15 mínútur. 

 

 

 

 

 

 

 

 

Taka smelluformið af kökunni, hella karmellunni varlega yfir, geyma í kæli til næsta dags. 

Svínakjöt með austurlensku ívafi

Þetta er einn af mínum uppáhalds réttum og það sem er hvað best við hann er að unglingnum á heimilinu finnst hann líka góður.

Að auki er hann einstaklega þægilegur í eldun og nánast hægt að elda eftir því hvað er til í skápunum.

Að þessu sinni var innihaldið eftirfarandi 

 

 

 

 

 

 

 

 

 

 

 

 

 

 

Hrísgrjón

Oystersósa

Sesamolía

Sojasósa

Hlynsíróp

Teryakisósa 

 

 

 

 

 

 

 

 

 

 

 

 

 

 

Einnig

 

Paprika

Gulrætur

Stergilkál

Púrrulaukur

Svínakjöt

 

 

 

 

 

 

 

 

 

 

 

 

 

 

Byrja á að skera grænmetið.  

Gulrætur, púrrulaukur og paprika í mjóar lengjur, en spergilkálið í litla bita. 

 

 

 

 

 

 

 

 

 

 

 

 

 

Kjötið einnig skorið í minni bita ef þarf, reyna að hafa allt í svipaðri stærð.

Nú er hæfilegt að setja hrísgrjónin í pott með vatni og salta. Eru soðin þar til allt vatn búið í pottinum. 

 

 

 

 

 

 

 

 

 

 

 

 

 

 

Þá er komið að því að steikja kjötið snöggt á pönnu, krydda með smávegis svínakjötskryddi, setja til hliðar.

Næst er að steikja gulræturnar létt, bæta síðan á pönnuna, papriku, púrrulauk og spergilkáli og steikja stutta stund.

Nú er að bæta kjötinu við setja sósurnar og sírópið í og smakka til, bæta við sósum ef þarf. 

 

 

 

 

 

 

 

 

 

 

 

 

 

 

Nú ættu hrísgrjónin að vera tilbúin og verði ykkur að góðu. 

 

Fyrir 2

2 dl. hrísgrjón

4 dl. vatn

1/2 tsk salt

 

200 gr. svínagúllas

3-4 gulrætur

1/2 púrrulaukur

1/2 spergilkálhaus

1/2 paprika (litur að eigin vali)

1-2 msk. Oystersósa

1-2 tsk. Sesamolía

1-2 msk. Sojasósa

1 msk. Hlynsíróp

1-2 msk. Teryakisósa 

 

Ciabattabrauð sem ekki þarf að hnoða.

Hef tekið eftir að margir veigra sér við að baka gerbrauð að sem þeir telja það svo mikla vinnu.

Í raun er ekki mikil vinna að baka sjálfur gerbrauð og þá getur maður verið viss um hvað það inniheldur.

Á norskum og líka sænskum vefsíðum hef ég oft séð uppskriftir af gerbrauði sem ekki þarf einu sinni að hnoða. Hef ég verið að prufa mig áfram með þær og set hér eina grunnuppskrift sem er sérlega einföld. Síðan er endalaust hægt að breyta henni að smekk hvers og eins, bæta við kryddi, jurtum, hnetum, osti, og lauk, einnig er hægt að skipta út hluta af hveitinu og nota grófara mjöl. 

 

 

 

 

 

 

 

 

Innihaldsefnin eru:

600 gr. hveiti

5 dl vatn

1/2 tsk. þurrger

1 msk salt

1 msk hunang.

 

 

 

 

 

 

 

 

Aðferð:

Hita vatnið í ca. 37 gráður, leysa hunangið upp í vatninu, og láta gerið leysast upp í vatnsblöndunni

 

 

 

 

 

 

 

 

 

 

 

 

 

 

 

 

Setja hveiti og salt í hrærivélarskál, hella vatnsblöndunni yfir og hræra vel með hnoðaranum eða "káinu", þar til allt hefur blandast vel, ca. 10 sekúndur, einnig hægt að hræra saman með sleif og tekur þá svona 1 mínútu. 

 

 

 

 

 

 

 

 

Setja plast yfir skálina og látið hefast yfir nótt eða lengur, best í 12-18 tíma má vera styttra og lengur.

Strá hveiti á eldhúsbekkinn og setja deigið þar ofan á, setja vel að hveiti á hendurnar og forma deigið í aflanga pulsu, brjóta síðan endana inn að miðju, brjóta síðan aftur frá hinni hliðinni og endurtaka 2-3 í víðbót.

 Snúa deiginu við og setja á hveitistráðan bökunarpappír, "samskeytin" niður. Hvolfa stórri skál yfir og látið hefast í 1 1/2 - 3 klukkustundir.  

Þegar fer að líða að lokum hefunartímans þá er að hita hæfilegan steikarpott með loki í ofninum þar til ofninn er kominn í 250 °C. 

Taka steikarpottinn úr ofninu og hvolfa deiginu af pappírnum varlega ofan í, setja lokið á og baka við 250 °C í 25 mínútur, taka lokið af og baka áfram í 10-15 mínútur og þá ætti það að vera tilbúið.

 

 

 

 

 

 

 

 

Einnig má skipta deiginu í hæfilega bita 5-6 (ath. að deigið er mjög blautt) og setja á bökunarpappír og síðan á heita bökunarplötu, þá er það bakað í 13 - 15 mínútur við 250 °C.

Taka úr ofninum og kælt.

 

 

 

 

 

 

 

 

Einstaklega einfalt í bakstri, krefst nánast engrar vinnu, en þarf að skipuleggja sig smávegis

Kjúklingasalat með Kittusósu

Fyrir ekki svo löngu kenndi hún Kitta mér að gera alveg hreint dásamleg salatsósu. Síðan þá hef ég markvisst verið að láta mér detta í hug uppskriftir sem hentar að hafa þessa sósu út á.

Þetta gerði ég um daginn þegar ég átti afgang af kornflexkjúkling  http://bjarnveig.blog.is/blog/bjarnveig/entry/1223782, þetta er einmitt svona uppskrift sem mér finnst hvað skemmtilegust en hún byggir á að opna ísskápinn og athuga hvað er til og blanda því svo skemmtilega saman.

 

Fyrst er að gera sósuna, magn er bara til viðmiðunar og hver gerir eftir sínu höfði.

Kittusósa 

1/2 - 1 dl Ólífuolía,

1/2 dl balsamikedik

safi úr 1/2 - 1 lime,

1 msk dijonsinnep 

1-2 tsk steytt capers

Öllu blandað vel saman, einstök efni aukin/minnkuð eftir smekk. Ágætlega stór uppskrift en ég get lofað ykkur að þið munið gera allt til að klára hana, geymist líka alveg í ískáp í nokkrar vikur. 

Þá er það salatið sjálft, uppskrift fyrir 1.

1-2 lúkur salatblanda að vild

1/4 af gúrku saxaður

1/2 paprika söxuð

6-8 konfekttómatar skornir til helminga

smá biti af púrrulauk skorinn í þunnar sneiðar

6-8 sveppir skorinn í þunnar sneiðar og smjörsteiktur á pönnu

1/2 bolli steiktur kjúklingur í litlum bitum (kjörið að nota afgangskjúkling)

Öllu blandað saman á disk/skál, sósunni hellt yfir og borið fram með góðu brauði.

Endurtek að það er hægt að nota hvaða grænmeti sem er í þetta um að gera að nýta það sem er til. Þá er einnig kjörið að hafa með þessu t.d.  ristaðar furuhnetur eða graskersfræ og einnig er gott að setja smá hreinan fetaost yfir.

Þeir sem ekki borða kjöt geta sleppt kjúklingunum og sett baunir og/eða hnetur í staðinn.

Trúið mér þetta er ávanabindandi. 

 

 

  

Gamaldags eplakaka

Er öll í þessu einfalda þessa dagana. Er til dæmis nýbúin að uppgötva hjá ágætri samstarfskonu að besta aðferðin við að baka formkökur er að setja allt í hrærivélaskálina í einu og hræra vel saman.

Hér er uppskrift af gamaldags eplaköku, sem í grunnin er hefðbundin formkökuuppskrift sem ég bakaði fyrir stuttu. 

 

250 gr. hveiti

200 gr. sykur

175 gr. smjörlíki

1 tsk. lyftiduft

1/2 dl. mjólk

2 egg

1 tsk. lyftiduft

1 tsk. vanilludropar (má líka nota sítrónudropa) 

Allt sett í hrærivélarskálina og hrært vel saman með "káinu". 

  

 

Sett í vel smurt kökuform ca. 22 cm í þvermál. 

 

 Epli hreinsuð og skorin í báta og raðað yfir.

 

Kanilsykri stráð yfir. Bakað við 180 °C í um það bil 30 mínútur.

Gleymdi því miður að taka mynd af bakaðri kökunni en hún er góð bæði eins og hún kemur fyrir en einng er frábært að bera fram með henni þeyttan rjóma eða vanilluís. 

Laugardagslamb

Hélt að vorið væri rétt handan við hornið en miðað við veðrið í dag er það aldeilis ekki. En daginn er samt stöðugt að lengja og ég veit að brátt verður betri tíð.

Þessi réttur er tilvalinn á hríðardögum en reyndar líka þegar vel viðrar því hann eldar sig eiginlega sjálfur og hráefnið má eiginlega vera hvað sem hentar, t.d. gott að nýta afganga úr grænmetisskúffunni.

Þessi uppskrift hentar fyrir 1-2 eftir því hvað borðað er mikið, fyrir flesta er þetta hæfilegt fyrir 1.

Ég er hér með 1 bita af lambasúpukjöti, 1 lítinn lauk, 3 kartöflur, 2 meðalstórar gulrætur. Einnig olía, Lamb Islandia (frá Pöttagöldrum), salt og pipar. 

 

Byrja á að brytja kjötið í bita, 2-3 cm á kant. 

 

Afhýða gulræturnar og skera í 2-3 cm bita. 

 

Sama gert með kartöflurnar. 

 

Afhýða laukinn og brytja gróft. 

 

 Kjöt og grænmeti sett í steikarpott eða eldfast mót, 1-2 msk olía sett yfir, kryddað með Lamb Islandia, salti og svörtum pipar. Ef eigið ekki Lamb Islandia er gott að nota í staðinn einhver "græn" krydd svo sem timian, oregano, rosemary. 

 

Öllu blandað vel saman, lok eða álpappír settur yfir og sett inn í 200°C heitan ofn og látið malla í 1 - 1 1/2 tíma. 

 

Ef viljið meiri brúningu þá taka lokið af síðustu 10 mínúturnar. 

 

Þá er bara eftir að skammta á diskinn, soðið notað sem sósa, má þykkja ef vill en er ekki til bóta. 

Einstaklega einfalt og uppvask í lágmarki þar sem allt var eldað í einum potti.

Hráefni:

1 biti lambasúpukjöt (má líka vera annar biti af lambi)

3 kartöflur

2 gulrætur

1 laukur

Olía

Lamb Islandia

Salt

Svartur pipar

 

Verði ykkur að góðu.