Nýtt ár

Jæja, þá er árið 2007 komið fyrir nokkru og ýmislegt skéð síðan ég bloggaði síðast. Óþarfi að rekja það hér því þeir sem þekkja mig vita nokkuð hvað á daga mín hefur drifið. En nú er markmiðið að endurskipuleggja lífið að einhverju leiti. Ætti allavegana að hafa rímri tíma þar sem Inga Birna er flutt suður til mömmu sinnar svo ég er ekki lengur einstæð móðir eins og ég var síðustu mánuði ársins 2006. Meðal markmiða ársins er að gera bloggsíðuna virka og eins að gera lífið einfaldara, er þessa dagana að lesa bókina "Henda-gefa-geyma" sem kennir manni að minnka ruslið og dótið í kringum sig. Sínist að aðalniðurstaðan eftir lesturinn sé sú sama og Vala Dögg hefur verið að reyna að kenna mér það er að ef þú veist ekki hvað þú ætlar að gera við eitthvað þá áttu að losa þig við það. Sé mikið eftir að hafa ekki farið alveg að ráðum hennar þegar hún hjálpaði mér að taka til í geymslunni í fyrra en ég get alltaf reynt að bæta mig í þessari aðferð. Var á aukakjördæmisþingi á Mývatni í gær þar sem við völdum listann fyrir komandi alþingiskosningar og er ég mjög ánægð með niðurstöðuna. Auðvitað hefði ekki verið verra að hafa austfirðing ofar á listanum en hver hefði þá átt að færast neðar af þessum fjórum í efstu sætunum. Góð blanda á listanum af reyndum og óreyndum einstaklingum með fjölbreyttan bakgrunn og áberandi hvað framsóknarflokkurinn treystir konum og ungu fólki vel. Ég hygg að fáir flokkar standi sig jafnvel í því. Getur einhver bent mér á flokk sem hefur konu efsta á helming framboðslistanna. Ætla að reyna að útbúa uppskriftasíðu en ef það tekst ekki er hægt að fara inn á sammála síðuna í tenglalistanum þar er uppskriftasíða og ég get alltaf sett inn uppskriftir þar.

Kv. Bjarnveig

Kaupa - versla - shoppa

Er stödd í Reykjavík og missti mig aðeins í búðunum, verð líklega að selja bílinn eða íbúðina þegar ég kem heim. Ákvað samt til að skemma ekki ferðina að leggja ekki saman VISA nóturnar fyrr en ég kem heim, enda eins og ég segi alltaf peningum má alltaf rédda. Annars búin að vera fín helgi, kom suður á fimmtudagskvöld og fór í búðir á föstudaginn og smá á laugardaginn, við Vala og Anja fórum síðan austur í biskupstungur á laugardag til að heimsækja Heiðu og Axel og gistum þar um nóttina fórum síðan heim með fyrra fallinu í morgun og fór ég á vel sóttan Alzheimerfund í dag þar sem voru fróðleg erindi. Er svo að passa Önju litlu núna því Vala og Trausti fóru í Bíó.

Af mér er annars það að frétta að dagskráin er stíf en skemmtileg flesta daga og mikið um fundi. flestar vikur fundir mánudaga til fimmtudaga og suma dagana tveir fundir. Svo er náttúrulega líka vinnan og yfirleitt nóg að gera þar. Er ekki enn búin að koma ræktinni inn í prógrammið en byrja vonandi aftur þar næstu dag. Hef ekki verið að léttast mikið síðustu vikurnar en héld samt áfram að grennast og lagast í laginu. Var farin að finna fyrir smá vaxandi slappleika frá því um 10. ágúst, svo ég dreif mig í blóðprufu sem sýndi lækkun á B12. Svo nú er ég farin að sprauta mig með B12 á 2-3 mánaða fresti og það ver segin saga að um leið og ég var búin að gefa mér fyrstu sprautuna var ég orðin hressari svo nú er ég aftur orðin full af orku.

Meira síðar. Bjarnveig

Ekki alveg að standa mig

Er nú engan vegin að standa mig í að blogga en get varla nema bætt mig úr þessu. Búið að vera frekar mikið að gera síðasta mánuðinn og svo átti ég nú afmæli á þriðjudaginn varð 37 ára (lesist 44 ára) en mér hefur nú alltaf fundist að tími og aldur sé afstæður. Var með morgunkaffi í vinnunni og svo bauð ég ferða- og matarklúbbnum í súpu og köku í gærkvöldi. Ég af öllum gerði fiskisúpu en Hulda bauð upp á svo frábæra súpu á fiskisúpukvöldinu að ég mátti til með að gera slíka súpu og mér fiskhataranum mikla finnst þetta alveg frábær súpa, svo kannski fer ég að borða súpu oftar, hver veit.

Frí í dag, þurfti að vísu að skreppa á einn stuttan fund á Akureyri um hádegisbil, en annars verið í algjörri afslöppun verð vonandi duglegri á morgun og hinn.

Kv. Bjarnveig

komin frá Koben

Var að koma heim og mátti til með að blogga smávegis, sérstaklega til að upplýsa ferðafélaga haustsins.

Brá mér semsagt til Koben á fimmtudag, vann til 4 um daginn og steikti síðan kleinur til að færa dönsku fjölskyldunni og svo var bara að drífa sig í flugið og gekk þetta allt smurt og vorum ég og strákarnir komin í koju upp úr kl. 4 um nóttina. morgunin eftir var svo náttúrulega skroppið í HogM á strikinu en aðrar búðir látnar vera. Fór svo í bíó um kvöldið með strákana á Deads mans chest. fínasta mynd og Johnny Depp stendur náttúrulega alltaf fyrir sínu, er líklega sá flottast sem ég veit um. Vakti lengi frameftir við Viskídrykkju og spjall og var því enn þreytt á laugardag en þá drifum við okkur á Stillinge Strand og morruðum þar í sólbaði, afslappelsi og smá skreppi í sjónum og komum ekki í bæinn aftur fyrr en á mánudagskvöld, í morgun ætlaði ég síðan rétt að skreppa í eina búð en kom hlaðin pokum heim, svo ég þurfti aukatösku heim og mikið var gott að koma heim þó það væri nú ansi kalt.

Svona fyrir væntanlega ferðafélaga í haust, þá sínist mér hótelið vera alveg ásættanlegt, labbaði um alla ganga í von um að sjá inn í herbergi og tókst það loksins og þetta virðist alveg í lagi fyrir okkur.

Vonast til að sjá sem flesta á fiskidaginn og þeir sem mig þekkja og vilja eru velkomnir í kaffi, bara að hringja fyrst.

Á ferð og flugi

Fór til Ísafjarðar um helgina með 3 börn í farteskinu plúss fellihýsi, síðan voru Vala og Anja einnig með í för og Heiða og kærasti og sonur hans komu einnig þangað. Ótrúlega lítið mál að ferðast með fellihýsi og að tjalda því og fella. Og þvílíkur lúksus að sofa í fínum rúmum ró maður sé í útilegu. Fór á miðvikudag, gistum eina nótt á Hólmavík vorum síðan á Ísafirði fimmtudag til sunnudags. Skoðuðum okkur um í nágrenninu og höfðum það notalegt. Þetta var bara alltof stutt ferð og stefni á að fara aftur næsta sumar og vera í fleiri daga. Fór m.a. að skoða fossinn Dynjanja sem er eitt það fegursta á Íslandi, gekk upp að fossinum eins og ekkert væri og aldrei að vita nema Elísabet geti farið að draga mig í léttar gönguferðir hvað úr hverju. Á mánudag fór ég á Húsavík að skoða sorpbrensluna og síðan var að byrja að vinna í morgun. Á fimmtudagskvöld er síðan stefnan tekin á Koben, krossa fingur og vonast eftir sól og blíðu þar yfir helgina. Blogga meira eftir þá ferð. Og svona í lokin held áfram að léttast þó hægt hafi á því, nú búin að missa yfir 75 kg. sýnist mér, ekki mælt á sömu vigt og venjulega.

Kv. Bjarnveig

Kaupmannahafnarferðir

Góðan daginn.

Líklega aldeilis kominn tími á að blogga, því síður sem ekki eru uppfærðar reglulega eru algjörlega óþolandi. Er greinilega alveg að missa mig þessa vikuna því ég er þegar búin að panta tvær ferðir í beinu flugi til Koben. Fyrst pantaði ég ferð í nóv. með ferða- og matarklúbbnum verð þá nokkra aukadaga hjá familíunni. Svo gafst ég endanlega upp á súldinni, þokunni og rigningunni og pantaði mér ferð 3-8. ágúst. Veit ekki alveg hvað er orðið um veðurbjartsýnina mína en verð að komast í hlýju og sól í nokkra daga, svo er bara að krossa fingur og vona að það verði gott veður í Koben.

Annars gengur allt sinn vanagang, passa Önju 3-4 daga í viku og svo erum við að fara í ferðalag til Ísafjarðar á mánudag, vonandi gegur vel að keyra með fellihýsið í eftirdragi.

Kv. Bjarnveig

Sumarfrí

Komin í sumarfrí, húrra, húrra. Reyndar varla hægt að tala um sumarfrí enn, því ég þarf að gera 4 vikna vaktskrá  áður en ég kemst alveg í sumarfrí, en geri hana heima svo þetta verður heldur ljúfara. Svo verða náttúrulega eitthvað um fundi og annað slíkt líka en samt frábært að vera komin í frí og vera lausari við. Veðrið að vísu ekki af bestu gerð, en eins og ég hef alltaf sagt veður er bara spurning um hugarfar og klæðnað.

Kveðja úr súldinni á Dalvík, Bjarnveig

71 kg. farið

Var í endurkomu í Kristnesi, nú eru tæpir 10 mánuðir síðan ég fór í fyrstu vigtun þar og það eru farin 71 kg. Mjög gaman að hitta hópinn sinn aftur og sjá hvað allir líta frábærlega vel út, við 5 sem mættum erum samtals búin að missa 228 kg frá því í byrjun sept. 2005. Varla að maður þekki suma í sjón lengur, þvílík er breytingin.

Nú virðist loksins komið sumar á Dalvík, búið að vera frábært veður þessa vikuna, verst að geta ekki notið þess að fullu vegna vinnu og funda, en maður bara nýtir það sem gefst.

Er á fullu að æfa mig að hjóla hringinn í sveitinn, hjólaði í gærkvöldi fram á Tjörn en það eru 10 kílómetar, fram og til baka og reyndist það lauflétt svo mér sýnist á öllu að ég sé að verða klár í að hjóla allan hringinn, takmarkið var að vera búin að þessu fyrir 15. sept, var síðan búin að flýta því fram um mánuð, en nú sýnist mér að það geti vel farið svo að ég geri þetta bara um helgina ef ég verð í stuði og veðrið verður gott. Allir velkomnir með sem vilja.

gleðilega þjóðhátðíð

Jæja þá er kominn enn einn þjóðhátíðardagurinn. Hér er búið að rigna frá hádegi en hitastigið þó skaplegt eða yfir 10 stigum. Búið að vera nóg að gera hjá mér undanfarið. Eftir að loks tókst að koma saman meirihluta á fimmtudaginn fyrir viku, fór ég í frábæra óvissuferð með ferða- og matarklúbbnum mínum í Skagafjörð. Vikan sem er að líða hefur síðan farið í fundi en í vikunni var bæði bæjarstjórnarfundur og bæjarráðsfundur og ég með fundarstjórn á þeim báðum svo ég hef lært heilmikið í fundarsköpum sérstaklega fyrir bæjarstjórnarfundinn en þetta gekk nú samt allt bara vel, svo voru athafnir sem ég þurfti að mæta á og smáfundir til að undirbúa framhaldið. Alltaf eitthvð nýtt að lærast en ég segji nú alltaf að það er ekkert svo erfitt að maður geti ekki lært það ef maður leggur sig fram um það. Nú eru eftir 3 vikur í seinni hluta sumarfrísins og þá koma Ingvi og Matthías til mín og verða í ca. 4 vikur. Í fríinu ætla ég allavegana til Ísafjarðar yfir eina helgi en annað er ekki planað.

Enn og aftur gleðilega þjóðhátíð

Bjarnveig

Meirihlutaviðræður

Eins og þeir sem fylgjast með pólitíkinni á Dalvík vita hefur illa gengið í meirihlutaviðræðum eftir kosningar. Nú eigum við á B-listanum í viðræðum við J-listann um myndun meirihluta. Aftur fundur um það á morgun og ef henn gengur vel ættum við að vera búin að koma okkur saman um málefni og skiptingu embætta um miðja viku. Ef ekki gengur saman með okkur veit ég hreinlega ekki hvernig verður hægt að mynda meirihluta. Kláraði vorverkin í garðinum í dag. Á að vísu eftir að nálgast sumarblómin og setja þau niður, en ætti að ná því í vikunni. Elísabet ef þú lest þetta á ég að koma í bæinn á föstudaginn eða sækjið þið mig til Dalvíkur. Hlakka ekkert smá til óvissuferðarinnar um helgina. Nú er bara ein vika eftir að þessum hluta sumarfrísins, fer síðan í 3 vikna frí í júlí og á þá eftir nokkra daga í haust, er jafnvel að hugsa um að skreppa til Koben í okt eða nóv í beinu flugi frá Akureyri.

Kveðja Bjarnveig