Kosningum lokið

Jæja þá er þessari törn lokið. Kosningaúrslit liggja fyrir. Urðu í samræmi við okkar spár, þó því sé alls ekki að neita að við vildum hafa þau öðruvísi, en það gengur bara betur næst. Vorum reyndar með 2 aðalmarkmið, það fyrra að ná inn 3 mönnum sem tókst ekki og það seinna að koma í veg fyrir að Samfylkingin og aðrir á J-listanum kæmust í hreinan meirihluta og það tókst, svo líklega megum við vel við una þrátt fyrir allt. Nú erstund milli stríða, en næsta skref er að reyna að koma á meirihlutasamstarfi, sem vinnur að heilindum fyrir sveitarfélagið, því nú ríður á að halda þeirri styrku fjármálastjórn sem verið hefur. Þetta er búið að vera ótrúlega gaman og gæti alveg hugsað mér að fara fljótt í svona baráttu aftur.

Hef nú lítinn tíma haft í annað síðustu vikuna, en það er þó heldur farið að hlýna og nú hlýtur sumarið að vera að fara að koma.

Kv. Bjarnveig

Home again

Kom heim í gæ frá Kaupmannahöfn. Er ekki alveg að ná þessu afhverju fólk býr á þessum klaka. Mér fannst nú ekkert sérstakt veður í Koben 10-15 gráður og rigning flesta daga, en guð minn góður þar var alveg dásemdar veður miðað við veðurfarið hér. Maður gæti haldið að það væri nóvember en ekki maí, en það getur víst bara skánað úr þessu. Skodinn stóð sig eins og hetja í hríðinni og hálkunni á leiðinni norður þrátt fyrir að vera á sumardekkjum, ef hann ætlaði að renna til þá tók skriðvörnin (eða eitthvað) við. Annars voru þetta frábærir dagar í Koben, og þökk sé því hvað ég hef misst mikið af kílóum var það ekkert mál að fara upp á fimmtu hæð tæpar 80 tröppur. Nú er víst orðið tímabært að fara hugsa um pólitíkina og munið að þetta er einfalt á laugardaginn bara a merkja x við B.

kveðja Bjarnveig X-B

Kaupmannahöfn

Skrapp frá kosningaundirbúningnum og er nú í Kaupmannahöfn. Trúi því að allt sé í góðum höndum hjá hinum á listanum og öðru góðu framsóknarfólki á Dalvík. Hef það náttúrulega alveg stórfínt hér, veðrið gæti að vísu verið betra en hér er nú sól en frekar kaldur vindur. Sé að vísu á kortunum að það er enn kaldara á klakanum.

Kv. Bjarnveig

Heim frá London

Nýkomin heim eftir frábæra Londonferð verslaði eins og mér væri borgað fyrir það, gekk út um allt, fórum oft út að borða, sáum Lion King (sem ég mæli með við alla), töluðum endalaust, hlógum mikið, sváfum lítið, drukkum mismikið og í alla staði frábær ferð.

Nú er það kosningaundirbúningur í eina viku og slatti af fundum svo er það Koben um næstu helgi, vonandi verður verslað minna þá. Bendi á grein eftir mig á dagur.net vegna kosninganna.

Heyrist meira frá mér síðar kv. Bjarnveig

London hér kem ég

Eftir sólarhring verð ég á leiðinni til London. Er á leiðinni í vinnuna, síðan flýg ég suður og næ að knúsa Önju Kareni svolítið. Gisti síðan hjá Dísu og svo er það Londin í fyrramálið. Hef ekki komið þangað síðan ´92 og það er avo sannarlega orðið allt of langt síðan, en það er svona þegar farið er á hverju ári til Koben þá er ekki alltaf tími til að fara annað.

Af kosningaundirbúningi er það að frétta að við erum að vera langt komin í stefnuskrárvinnu. Í síðustu viku var smá viðtal við mig í fréttablaðinu og núna í vikunni verður kosningaumfjöllun um Dalvíkurbyggð á rás 1, þar sem verður viðtal við oddvita framboðslistanna, einnig kemur grein í Bæjarpóstinum núna á fimmtudaginn. Ekki hefði ég trúað því fyrir 2 mánuðum að ég væri að skrifa greinar í fjölmiðla, en maður veit víst aldrei hvaða vinkla lífið tekur. Og maður getur allt sem maður vill, bara ef maður vill það nógu mikið. Bæjarmálin í Dalvíkurbyggð eiga svo sannarlega allan hug minn þessa dagana og munu eiga það a.m.k. næstu 4 árin. Gaman að vinna með skemmtilegu og hugmyndaríku fólki að góðum málum og öll höfum við þat sama markmið að gera gott sveitarfélag enn betra, eða eins og við á B-listanum segjum gerum Salvíkurbyggð að sveitarfélagi í sérflokki.

Skrifa næst þegar ég kem heim frá London, yfir og út

Bjarnveig

Kosningabaráttan hafin

Nú hef ég á tilfinningunni að kosningabaráttan sé hafin fyrir alvöru, en í dag birtist viðtal við mig og oddvita hinna framboðanna í Dalvíkurbyggð í Fréttablaðinu. Svo erum við á kafi í málefnavinnu og kosningaskrifstofan opnar á þriðjudagskvöldið. Sem sagt spennandi tímar framundan og nóg að gera. Loksins virðist vorið vera komið, farið að hlýna og bjartara yfir öllu og maður sér snjóinn minnka, að vísu löngu komið vor hjá mér, en það er nú sennilega af því að mér finnst vorið langbesti tími ársins og það kemur alltaf mjög snemma hjá mér.

Vonandi að allir hafi það sem best, kær kveðja

Bjarnveig

Gleðilegt sumar

Það á víst að heita að það sé komið sumar. Að vísu langt síðan að það kom í mínum huga og hjarta en veðurguðirnir eru víst ekki alveg sammála mér. En maður heldur bara áfram með gleði í sinni og gerir gott úr veðrinu, enda segji ég oft að það sé ekki til vont veður heldur spurning um klæðnað og hvort maður þurfi endilega að vera á ferðinni. Nú er orðið tómlegra í húsinu enda fóru Vala Dögg og Anja Karen suður á mánudaginn enn svo koma þær aftur í lok maí og verða þá í eina 3 mánuði. Og við förum reyndar líka saman til Kaupmannahafnar í maí með Heiðu Pálrúnu og Ingu Birnu. Var í ræktinni áðan og púlaði þvílíkt en líðanin á eftir er líka dásamleg. Búin að missa 58.5 kg frá 9/9 2005. Svo er náttúrulega kosningabaráttan að fara á fullt svo ég mun hafa nóg fyrir stafni á næstunni

Kv. Bjarnveig

Píslargangan

Jæja, ég segi nú ekki öll mín orð í einu, haldið ykkur nú fast en blúndan hún Bjarnveig dreif sig í dag í Mývatnssveit og gekk part af píslargöngunni, var búin að ákveða fyrir brottför að ganga í mesta lagi 5 kílómetra en stoppaði ekki fyrr en eftir tæpa 10 kílómetra. Mæli með því að fara þetta því það var þvílík blíða og virkilega gaman að ganga þetta, var að vísu í mjög góðum félagsskap og var talað "nonstopp" allan tímann, svo var náttúrulega farið í lónið og x3 að kaupa sér kaffi og svo græddi ég 3 blöðrur á fæturnar en það grær nú. Takk Biggi, Ella, Þuríður, Bryndís og Brynja Vala fyrir skemmtilegan dag.

Páskafrí

Jæja þá á það að heita að ég sé komin í páskafrí, í heila 5 daga ekki sami lúxusinn og hjá kennaranum (Þuríði). Þarf þó að vinna eitthvað í vaktskránni, lítill tími í það í vinnunni, en samt gott að þurfa ekki að rífa sig upp á morgnana. Eitthvað verður maður líklega að hugsa um pólitíkina líka, enda styttist óðfluga í kosningar. Svo er það píslargangan en ef viðrar þokkalega ætla ég að ganga einhvern part af henni síðan er það bara afslöppun og notalegheit, sundlaugin og ræktin hér á Dalvík og jafnvel að sjá Blessað barnalán hjá leikfélagi Dalvíkur. Gleðilega páska, kv. Bjarnveig

Vorið að koma

Ég er sannfærð um það að nú sé vorið að koma, þetta fína veður í dag og maður sér og heyrir snjóinn bráðna, að vísu ekki mjög hratt en samt þetta er allt í rétta átt. Hef alla trú á að það verði fínt veður næstu daga og skíðafæri í sólskini um páskana, ekki það að ég ætli á skíði um páskana en ég get nú alveg unnt öðrum þess að skíða. Sé fram á rólegheit um páskana, þó er aldrei að vitq nema ég skelli mér í íslargöngu á föstudaginn langa en síðan tekur við stíf vinna við framboðsmál fram að kosningum svo þarf líka að vinna aðeins í vinnunni og fara tvisvar sinnum erlendis á þessum tíma.

Vorkveðjur Bjarnveig