Ómar, framtíðarlandið og umhverfismál

Nú upp á síðkastið hefur Ómar Ragnarsson talið sig sjálfskipaðan talsmann íslenskrar náttúru. Af því tilefni hef ég verið að velta því fyrir mér hvort hann sé ekki að vinna fyrir umhverfisvernd á öllu Íslandi. Nú síðast var hann að hvetja til aukinnar bílaumferðar í miðbæ Reykjavíkur og var nú ekki á bætandi það mengunarskí sem liggur yfir borginni á góðviðrisdögum. Einnig man ég ekki betur en þessi sami Ómar hafi farið fremstur í hópi jeppamanna sem keyrði á Hvannadalshnjúk fyrir nokkrum árum og skildu eftir fullt af drasli fyrir utan sjónmengunina af hjólförunum eftir ferðina. Annars er ég alltaf að verða sannfærðari og sannfærðari um að umhverfissinnar í Reykjavík hafi sitthvort viðhorfið til umhverfisverndar eftir því hvort um er að ræða höfuðborgarsvæðið eða landsbyggðina og svo er fólk hissa á þeim viðhorfsmun sem er milli dreifbýlis og þéttbýlis. Ég legg til að umhverfissinnar hvar sem þeir búa á landinu byrji á að skoða sitt nærumhverfi og hvað þeir geti sjálfir gert til að draga úr mengun og umhverfisspjöllum áður en farið er að standa í mótmælum í öðrum sveitarfélögum.

Taugarnar búnar

Get ekki einbeitt mér að leiknum lengur svo ég valdi að finna mér eitthvað annað að gera og fylgjast bara með, með öðru augunum. Veit þó vel að við getum enn unnið og vona það besta

Alvara lífsins

Þá er komið að alvöru lífsins leikurinn við Dani í dag. Tel nú eins og fyrir Frakkaleikinn að við eigum ekki mikla möguleika en eins og allir vita getur allt gerst í handboltanum. Svo nú er að hugsa jákvætt og vona það besta. Hvernig við hugsum hefur nefnilega áhrif fyrir okkur og að hugsa jákvætt um leikinn gerir það að við getum frekar tekið við bæði góðum og slæmum úrslitum. Og munum að hvernig sem fer þá hafa strákarnir okkar gert sitt besta og meira er ekki hægt að ætlast til.

Svo er það nú blessaður Frjálslyndiflokkurinn. Sem ég get nú ekki skilið að geti haldið þessu nafni miðað við þá stefnu sem hefur verið kynnt í innflytjendamálum flokkurinn ætti frekar að heita íhaldsflokkurinn. Til hamingju Margrét að vera búin að segja þig úr þessum karlrembuflokki, óttast bara að þú hafir tekið af skorið of seint þú ert búin að sitja á hliðarlínunni og vera stillt og prúð alltof lengi, konur græða aldrei á því við verðum að sýna sömu ákveðni og frumkvæði og karlar ef við viljum ná árangri.

 

Frjálslyndiflokkurinn

Ótrúleg karlrembuúrslit í kosningum um varaformann. Flokkur sem hefur eina hefur innanbúðar eina hæfustu stjórnmálakonu landsins og hafnar henni. Greinilegt að þeir þola ekki að konur vilji hafa áhrif, ágætt að hafa þær sem punt í minni embættum. Kannski getur Margrét sjálfri sér um kennt hún hefur verið alltof hæværsk í flokknum og leyft körlunum að vaða uppi hún átti að bjóða sig fram til varaformanns fyrir löngu ef þurfti að halda friðinn í flokknum gat annað hvort Guðjón eða Magnús dregið sig til baka fyrir löngu. Annars kemur mér þetta ekkert við minn flokkur (framsókanrflokkurinn) hefur þó vit á að gefa konum jafna möguleika enda leiða konur listann í helming kjördæmanna á eftir að sjá einhvern annan flokk gera það. Það er nefnilega ekki nóg að tala um jafnrétti það þarf líka að sýna það í raun. Tala nú ekki um á 100 ára afmæli kvenréttindafélagsin. Vonandi verður farið að sýna kvennréttindadeginum 19. júní meiri virðingu. Skora á landsmenn að halda hann hátíðlegan ár hvert.

handbolti, handbolti

veit ekki hvort ég hafi taugar í að horfa á leikinn á morgun. Kom keyrandi úr Reykjavík á mánudagskvöld og var að hlusta á leikinn og þrátt fyrir gífurlega yfirburði íslendinga var ég svo spennt að ég keyrði nánast út af mörgum sinnum. Svo voru leikirnir í gær og fyrradag sem fóru bæði vel og illa og ég var næstum farin yrfir um af spenning. Er þó frekar bjartsýn fyrir morgundaginn og trúi því að "strákarnir okkar" vinni leikinn. En það er nú svo skrítið eð þetta landslið og hefur reyndar verið undanfarin ár að frammistaða liðsins virðist algjörlega byggjast á hvernig Ólafur Stefánsson er stemmdur ef hann er vel stemmdur og leikur sæmilega vel eða vel þá standa hinir sig vel en ef hann er illa stemmdur þá leika hinir illa. Nú er ég alls ekki að meina að slæmt gengi liðsins sé á nokkurn hátt honum að kenna heldur að hinir í liðinu virðast ekki geta leikið af fullri getu nema hann sé í stuði. en sem sagt gott gengi á morgun ekki spurning

komin heim

Var í höfuborginni um helgina, mátti til með að skreppa og heimsækja Önju Kareni og Ingu Birnu. Kíkti auðvitað líka aðeins í búðir og fór svo í bíó og sá Little miss sunshine mjög sæt og skemmtileg mynd. Tókst að verða veik á sunnudaginn og treysti mér því ekki til að keyra heim fyrr en á mánudag og komst þá heim við illan leik því handboltaleikurinn Ísland - Frakkland var akkúrat í gangi í Húnavatnssýslu og Skagafirði og var ég á stundum svo spennt að lá við útafakstri. Annars héldu vinnufélagarnir að ég hefði lagst í rúmið vegna úrslita í prófkjöri Framsóknar á suðurlandi. En ég var nú bara frekar sátt við þau úrslit svo ekki komu þau mér í rúmið. nú þarf ég að fara að herða mig í að mæta í ræktina búin að kaupa kort og mæta þrisvar sinnum en betur má ef duga skal. Tíminn sem hentar best er á morgnana kl. 6.15 en þar sem ég er nú ekki sú morgunhressasta þá finn ég iðulega afsökun fyrir því að drífa mig af stað en hef þó alla trú á að þetta fari að ganga með hækkandi sól og aukinni birtu.

Nýtt ár

Jæja, þá er árið 2007 komið fyrir nokkru og ýmislegt skéð síðan ég bloggaði síðast. Óþarfi að rekja það hér því þeir sem þekkja mig vita nokkuð hvað á daga mín hefur drifið. En nú er markmiðið að endurskipuleggja lífið að einhverju leiti. Ætti allavegana að hafa rímri tíma þar sem Inga Birna er flutt suður til mömmu sinnar svo ég er ekki lengur einstæð móðir eins og ég var síðustu mánuði ársins 2006. Meðal markmiða ársins er að gera bloggsíðuna virka og eins að gera lífið einfaldara, er þessa dagana að lesa bókina "Henda-gefa-geyma" sem kennir manni að minnka ruslið og dótið í kringum sig. Sínist að aðalniðurstaðan eftir lesturinn sé sú sama og Vala Dögg hefur verið að reyna að kenna mér það er að ef þú veist ekki hvað þú ætlar að gera við eitthvað þá áttu að losa þig við það. Sé mikið eftir að hafa ekki farið alveg að ráðum hennar þegar hún hjálpaði mér að taka til í geymslunni í fyrra en ég get alltaf reynt að bæta mig í þessari aðferð. Var á aukakjördæmisþingi á Mývatni í gær þar sem við völdum listann fyrir komandi alþingiskosningar og er ég mjög ánægð með niðurstöðuna. Auðvitað hefði ekki verið verra að hafa austfirðing ofar á listanum en hver hefði þá átt að færast neðar af þessum fjórum í efstu sætunum. Góð blanda á listanum af reyndum og óreyndum einstaklingum með fjölbreyttan bakgrunn og áberandi hvað framsóknarflokkurinn treystir konum og ungu fólki vel. Ég hygg að fáir flokkar standi sig jafnvel í því. Getur einhver bent mér á flokk sem hefur konu efsta á helming framboðslistanna. Ætla að reyna að útbúa uppskriftasíðu en ef það tekst ekki er hægt að fara inn á sammála síðuna í tenglalistanum þar er uppskriftasíða og ég get alltaf sett inn uppskriftir þar.

Kv. Bjarnveig

Kaupa - versla - shoppa

Er stödd í Reykjavík og missti mig aðeins í búðunum, verð líklega að selja bílinn eða íbúðina þegar ég kem heim. Ákvað samt til að skemma ekki ferðina að leggja ekki saman VISA nóturnar fyrr en ég kem heim, enda eins og ég segi alltaf peningum má alltaf rédda. Annars búin að vera fín helgi, kom suður á fimmtudagskvöld og fór í búðir á föstudaginn og smá á laugardaginn, við Vala og Anja fórum síðan austur í biskupstungur á laugardag til að heimsækja Heiðu og Axel og gistum þar um nóttina fórum síðan heim með fyrra fallinu í morgun og fór ég á vel sóttan Alzheimerfund í dag þar sem voru fróðleg erindi. Er svo að passa Önju litlu núna því Vala og Trausti fóru í Bíó.

Af mér er annars það að frétta að dagskráin er stíf en skemmtileg flesta daga og mikið um fundi. flestar vikur fundir mánudaga til fimmtudaga og suma dagana tveir fundir. Svo er náttúrulega líka vinnan og yfirleitt nóg að gera þar. Er ekki enn búin að koma ræktinni inn í prógrammið en byrja vonandi aftur þar næstu dag. Hef ekki verið að léttast mikið síðustu vikurnar en héld samt áfram að grennast og lagast í laginu. Var farin að finna fyrir smá vaxandi slappleika frá því um 10. ágúst, svo ég dreif mig í blóðprufu sem sýndi lækkun á B12. Svo nú er ég farin að sprauta mig með B12 á 2-3 mánaða fresti og það ver segin saga að um leið og ég var búin að gefa mér fyrstu sprautuna var ég orðin hressari svo nú er ég aftur orðin full af orku.

Meira síðar. Bjarnveig

Ekki alveg að standa mig

Er nú engan vegin að standa mig í að blogga en get varla nema bætt mig úr þessu. Búið að vera frekar mikið að gera síðasta mánuðinn og svo átti ég nú afmæli á þriðjudaginn varð 37 ára (lesist 44 ára) en mér hefur nú alltaf fundist að tími og aldur sé afstæður. Var með morgunkaffi í vinnunni og svo bauð ég ferða- og matarklúbbnum í súpu og köku í gærkvöldi. Ég af öllum gerði fiskisúpu en Hulda bauð upp á svo frábæra súpu á fiskisúpukvöldinu að ég mátti til með að gera slíka súpu og mér fiskhataranum mikla finnst þetta alveg frábær súpa, svo kannski fer ég að borða súpu oftar, hver veit.

Frí í dag, þurfti að vísu að skreppa á einn stuttan fund á Akureyri um hádegisbil, en annars verið í algjörri afslöppun verð vonandi duglegri á morgun og hinn.

Kv. Bjarnveig

komin frá Koben

Var að koma heim og mátti til með að blogga smávegis, sérstaklega til að upplýsa ferðafélaga haustsins.

Brá mér semsagt til Koben á fimmtudag, vann til 4 um daginn og steikti síðan kleinur til að færa dönsku fjölskyldunni og svo var bara að drífa sig í flugið og gekk þetta allt smurt og vorum ég og strákarnir komin í koju upp úr kl. 4 um nóttina. morgunin eftir var svo náttúrulega skroppið í HogM á strikinu en aðrar búðir látnar vera. Fór svo í bíó um kvöldið með strákana á Deads mans chest. fínasta mynd og Johnny Depp stendur náttúrulega alltaf fyrir sínu, er líklega sá flottast sem ég veit um. Vakti lengi frameftir við Viskídrykkju og spjall og var því enn þreytt á laugardag en þá drifum við okkur á Stillinge Strand og morruðum þar í sólbaði, afslappelsi og smá skreppi í sjónum og komum ekki í bæinn aftur fyrr en á mánudagskvöld, í morgun ætlaði ég síðan rétt að skreppa í eina búð en kom hlaðin pokum heim, svo ég þurfti aukatösku heim og mikið var gott að koma heim þó það væri nú ansi kalt.

Svona fyrir væntanlega ferðafélaga í haust, þá sínist mér hótelið vera alveg ásættanlegt, labbaði um alla ganga í von um að sjá inn í herbergi og tókst það loksins og þetta virðist alveg í lagi fyrir okkur.

Vonast til að sjá sem flesta á fiskidaginn og þeir sem mig þekkja og vilja eru velkomnir í kaffi, bara að hringja fyrst.