Svínakjöt með austurlensku ívafi

Þetta er einn af mínum uppáhalds réttum og það sem er hvað best við hann er að unglingnum á heimilinu finnst hann líka góður.

Að auki er hann einstaklega þægilegur í eldun og nánast hægt að elda eftir því hvað er til í skápunum.

Að þessu sinni var innihaldið eftirfarandi 

 

 

 

 

 

 

 

 

 

 

 

 

 

 

Hrísgrjón

Oystersósa

Sesamolía

Sojasósa

Hlynsíróp

Teryakisósa 

 

 

 

 

 

 

 

 

 

 

 

 

 

 

Einnig

 

Paprika

Gulrætur

Stergilkál

Púrrulaukur

Svínakjöt

 

 

 

 

 

 

 

 

 

 

 

 

 

 

Byrja á að skera grænmetið.  

Gulrætur, púrrulaukur og paprika í mjóar lengjur, en spergilkálið í litla bita. 

 

 

 

 

 

 

 

 

 

 

 

 

 

Kjötið einnig skorið í minni bita ef þarf, reyna að hafa allt í svipaðri stærð.

Nú er hæfilegt að setja hrísgrjónin í pott með vatni og salta. Eru soðin þar til allt vatn búið í pottinum. 

 

 

 

 

 

 

 

 

 

 

 

 

 

 

Þá er komið að því að steikja kjötið snöggt á pönnu, krydda með smávegis svínakjötskryddi, setja til hliðar.

Næst er að steikja gulræturnar létt, bæta síðan á pönnuna, papriku, púrrulauk og spergilkáli og steikja stutta stund.

Nú er að bæta kjötinu við setja sósurnar og sírópið í og smakka til, bæta við sósum ef þarf. 

 

 

 

 

 

 

 

 

 

 

 

 

 

 

Nú ættu hrísgrjónin að vera tilbúin og verði ykkur að góðu. 

 

Fyrir 2

2 dl. hrísgrjón

4 dl. vatn

1/2 tsk salt

 

200 gr. svínagúllas

3-4 gulrætur

1/2 púrrulaukur

1/2 spergilkálhaus

1/2 paprika (litur að eigin vali)

1-2 msk. Oystersósa

1-2 tsk. Sesamolía

1-2 msk. Sojasósa

1 msk. Hlynsíróp

1-2 msk. Teryakisósa 

 

Ciabattabrauð sem ekki þarf að hnoða.

Hef tekið eftir að margir veigra sér við að baka gerbrauð að sem þeir telja það svo mikla vinnu.

Í raun er ekki mikil vinna að baka sjálfur gerbrauð og þá getur maður verið viss um hvað það inniheldur.

Á norskum og líka sænskum vefsíðum hef ég oft séð uppskriftir af gerbrauði sem ekki þarf einu sinni að hnoða. Hef ég verið að prufa mig áfram með þær og set hér eina grunnuppskrift sem er sérlega einföld. Síðan er endalaust hægt að breyta henni að smekk hvers og eins, bæta við kryddi, jurtum, hnetum, osti, og lauk, einnig er hægt að skipta út hluta af hveitinu og nota grófara mjöl. 

 

 

 

 

 

 

 

 

Innihaldsefnin eru:

600 gr. hveiti

5 dl vatn

1/2 tsk. þurrger

1 msk salt

1 msk hunang.

 

 

 

 

 

 

 

 

Aðferð:

Hita vatnið í ca. 37 gráður, leysa hunangið upp í vatninu, og láta gerið leysast upp í vatnsblöndunni

 

 

 

 

 

 

 

 

 

 

 

 

 

 

 

 

Setja hveiti og salt í hrærivélarskál, hella vatnsblöndunni yfir og hræra vel með hnoðaranum eða "káinu", þar til allt hefur blandast vel, ca. 10 sekúndur, einnig hægt að hræra saman með sleif og tekur þá svona 1 mínútu. 

 

 

 

 

 

 

 

 

Setja plast yfir skálina og látið hefast yfir nótt eða lengur, best í 12-18 tíma má vera styttra og lengur.

Strá hveiti á eldhúsbekkinn og setja deigið þar ofan á, setja vel að hveiti á hendurnar og forma deigið í aflanga pulsu, brjóta síðan endana inn að miðju, brjóta síðan aftur frá hinni hliðinni og endurtaka 2-3 í víðbót.

 Snúa deiginu við og setja á hveitistráðan bökunarpappír, "samskeytin" niður. Hvolfa stórri skál yfir og látið hefast í 1 1/2 - 3 klukkustundir.  

Þegar fer að líða að lokum hefunartímans þá er að hita hæfilegan steikarpott með loki í ofninum þar til ofninn er kominn í 250 °C. 

Taka steikarpottinn úr ofninu og hvolfa deiginu af pappírnum varlega ofan í, setja lokið á og baka við 250 °C í 25 mínútur, taka lokið af og baka áfram í 10-15 mínútur og þá ætti það að vera tilbúið.

 

 

 

 

 

 

 

 

Einnig má skipta deiginu í hæfilega bita 5-6 (ath. að deigið er mjög blautt) og setja á bökunarpappír og síðan á heita bökunarplötu, þá er það bakað í 13 - 15 mínútur við 250 °C.

Taka úr ofninum og kælt.

 

 

 

 

 

 

 

 

Einstaklega einfalt í bakstri, krefst nánast engrar vinnu, en þarf að skipuleggja sig smávegis

Kjúklingasalat með Kittusósu

Fyrir ekki svo löngu kenndi hún Kitta mér að gera alveg hreint dásamleg salatsósu. Síðan þá hef ég markvisst verið að láta mér detta í hug uppskriftir sem hentar að hafa þessa sósu út á.

Þetta gerði ég um daginn þegar ég átti afgang af kornflexkjúkling  http://bjarnveig.blog.is/blog/bjarnveig/entry/1223782, þetta er einmitt svona uppskrift sem mér finnst hvað skemmtilegust en hún byggir á að opna ísskápinn og athuga hvað er til og blanda því svo skemmtilega saman.

 

Fyrst er að gera sósuna, magn er bara til viðmiðunar og hver gerir eftir sínu höfði.

Kittusósa 

1/2 - 1 dl Ólífuolía,

1/2 dl balsamikedik

safi úr 1/2 - 1 lime,

1 msk dijonsinnep 

1-2 tsk steytt capers

Öllu blandað vel saman, einstök efni aukin/minnkuð eftir smekk. Ágætlega stór uppskrift en ég get lofað ykkur að þið munið gera allt til að klára hana, geymist líka alveg í ískáp í nokkrar vikur. 

Þá er það salatið sjálft, uppskrift fyrir 1.

1-2 lúkur salatblanda að vild

1/4 af gúrku saxaður

1/2 paprika söxuð

6-8 konfekttómatar skornir til helminga

smá biti af púrrulauk skorinn í þunnar sneiðar

6-8 sveppir skorinn í þunnar sneiðar og smjörsteiktur á pönnu

1/2 bolli steiktur kjúklingur í litlum bitum (kjörið að nota afgangskjúkling)

Öllu blandað saman á disk/skál, sósunni hellt yfir og borið fram með góðu brauði.

Endurtek að það er hægt að nota hvaða grænmeti sem er í þetta um að gera að nýta það sem er til. Þá er einnig kjörið að hafa með þessu t.d.  ristaðar furuhnetur eða graskersfræ og einnig er gott að setja smá hreinan fetaost yfir.

Þeir sem ekki borða kjöt geta sleppt kjúklingunum og sett baunir og/eða hnetur í staðinn.

Trúið mér þetta er ávanabindandi. 

 

 

  

Gamaldags eplakaka

Er öll í þessu einfalda þessa dagana. Er til dæmis nýbúin að uppgötva hjá ágætri samstarfskonu að besta aðferðin við að baka formkökur er að setja allt í hrærivélaskálina í einu og hræra vel saman.

Hér er uppskrift af gamaldags eplaköku, sem í grunnin er hefðbundin formkökuuppskrift sem ég bakaði fyrir stuttu. 

 

250 gr. hveiti

200 gr. sykur

175 gr. smjörlíki

1 tsk. lyftiduft

1/2 dl. mjólk

2 egg

1 tsk. lyftiduft

1 tsk. vanilludropar (má líka nota sítrónudropa) 

Allt sett í hrærivélarskálina og hrært vel saman með "káinu". 

  

 

Sett í vel smurt kökuform ca. 22 cm í þvermál. 

 

 Epli hreinsuð og skorin í báta og raðað yfir.

 

Kanilsykri stráð yfir. Bakað við 180 °C í um það bil 30 mínútur.

Gleymdi því miður að taka mynd af bakaðri kökunni en hún er góð bæði eins og hún kemur fyrir en einng er frábært að bera fram með henni þeyttan rjóma eða vanilluís. 

Laugardagslamb

Hélt að vorið væri rétt handan við hornið en miðað við veðrið í dag er það aldeilis ekki. En daginn er samt stöðugt að lengja og ég veit að brátt verður betri tíð.

Þessi réttur er tilvalinn á hríðardögum en reyndar líka þegar vel viðrar því hann eldar sig eiginlega sjálfur og hráefnið má eiginlega vera hvað sem hentar, t.d. gott að nýta afganga úr grænmetisskúffunni.

Þessi uppskrift hentar fyrir 1-2 eftir því hvað borðað er mikið, fyrir flesta er þetta hæfilegt fyrir 1.

Ég er hér með 1 bita af lambasúpukjöti, 1 lítinn lauk, 3 kartöflur, 2 meðalstórar gulrætur. Einnig olía, Lamb Islandia (frá Pöttagöldrum), salt og pipar. 

 

Byrja á að brytja kjötið í bita, 2-3 cm á kant. 

 

Afhýða gulræturnar og skera í 2-3 cm bita. 

 

Sama gert með kartöflurnar. 

 

Afhýða laukinn og brytja gróft. 

 

 Kjöt og grænmeti sett í steikarpott eða eldfast mót, 1-2 msk olía sett yfir, kryddað með Lamb Islandia, salti og svörtum pipar. Ef eigið ekki Lamb Islandia er gott að nota í staðinn einhver "græn" krydd svo sem timian, oregano, rosemary. 

 

Öllu blandað vel saman, lok eða álpappír settur yfir og sett inn í 200°C heitan ofn og látið malla í 1 - 1 1/2 tíma. 

 

Ef viljið meiri brúningu þá taka lokið af síðustu 10 mínúturnar. 

 

Þá er bara eftir að skammta á diskinn, soðið notað sem sósa, má þykkja ef vill en er ekki til bóta. 

Einstaklega einfalt og uppvask í lágmarki þar sem allt var eldað í einum potti.

Hráefni:

1 biti lambasúpukjöt (má líka vera annar biti af lambi)

3 kartöflur

2 gulrætur

1 laukur

Olía

Lamb Islandia

Salt

Svartur pipar

 

Verði ykkur að góðu. 

Peruterta

Ein af uppáhaldstertunum í minni fjölskyldu er gamaldags peruterta. 

í hana þarf einn svampbotn, keyptan eða heimabakaðann.

Þessi uppskrift hefur aldrei klikkað hjá mér

Svampbotn:

4 egg

175 gr. sykur

Þeytt mjög vel saman, á að verða mjög ljóst og létt.

50 gr. hveiti

50 gr kartöflumjöl

1 tsk lyftiduft

Þurrefnum blandað saman og hrært varlega saman við, hélst í höndum.

 Sett í 2 smurð og hveitistráð form ca. 22 cm og bakað við 200 °C (180 °ef blástur) í 20-30 mínútur.

Muna að ofnar eru misjafnir svo hver þarf að finna sinn tíma. 

Kælt á grind, hægt að baka með fyrirvara og geyma í allt að 2-3 daga ef vel pakkað inn í plastpoka. Einnig hægt að frysta botnana. 

 

Í eina köku þarf 1 botn.

Setja kökubotninn á fat og bleyta í með perusafa (magn fer eftir hvað vilt hafa blauta, mér finnst hæfilegt að nota 1/2 - 1 dl)

Geyma 3 peruhelminga til að skreyta með, restin af peruhelmingunum brytjaðir niður og dreift yfir botninn.

 

 

Kremið sett yfir, en það er gert á eftirfarandi hátt.

Perutertukrem.

2 eggjarauður

2 msk sykur

þeytt vel saman.

50 gr súkkulaði brætt, kælt aðeins og bætt í eggjahræruna.

1/4 lítri rjómi þeyttur og blandað vel saman við. 

 

Peruhelmingarnir sem eftir voru sneiddir niður í 4-6 báta hver og raðar hringinn. 

 

 

Skreytt með þeyttum rjóma að vild. 

 

Hráefnislisti:

 

Svampbotn (2 botnar)

 

4 egg

175 gr. sykur

50 gr. hveiti

50 gr. kartöflumjöl

1 tsk lyftiduft

 

Krem

 

2 eggjarauður

2 msk sykur

50 gr. suðusúkkulaði

1/4 lítri rjómi

 

Til viðbótar

1 heildós niðursoðnar perur

1/4 - 1/2 lítri rjómi 

Lummur

Á mínu heimili er hefð fyrir því að þegar eldaður er grjónagrautur, þá eru steiktar lummur daginn eftir. 

Ekki það hollasta en mjög gott.

 

í degið fer eftirfarandi.

2 bollar kaldur grjónagrautur

2 egg

1-2 bollar mjólk

100 - 200 gr. hveiti 

1/2 - 1 tsk lyftiduft

1-2 tsk vanilludropar

Þetta er mjög frjálsleg uppskrift, en á að deigið á að vera á þykkt við vöffludeig eða "amerískar pönnukökur" 

 

 

Smjörlíki brætt á pönnu (má sjálfsagt nota olíu eða blöndu af olíu og smjöri)

Sett í klatta á pönnuna (hæfilegt að hafa um 3/4 dl í hverri). Hafa góðan hita en samt ekki þannig að brenni.

 

Þegar hæfilega steikt að neðan, snúa við og  steikja hinu megin. 

 

Sett á fat og sykri stráð yfir. Einnig hægt að sleppa sykrinum og bera fram með sultu eða hlynsírópi.

Haldið áfram að steikja þar til degið klárast. Einnig má ef þarf ekki allt í einu geyma til næsta dags og steikja þá afganginn. 

 

 

Súkkulaðiterta og súkkulaðimuffins (fars chokoladekage)

Var með uppáhalds "danina" mína í heimsókn núna í febrúar og á meðan þau voru hér átti einn þeirra hann Matthías 15 ára afmæli svo auðvitað var haldin íslensk afmælisveisla.

Efst á óskalistanum í öllum afmælisveislum hjá þeim er Fars chokoladekage svo ég gerði hana í 2 útfærslum, venjuleg terta og líka muffins.

 

Hefðbundin súkkulaðikaka 

 

Muffins 

Sama uppskrift að báðu

 

1 1/2 bolli sykur

100 gr mjúkt smjör eða smjörlíki

2 egg

Hrært vel saman.

 

1/2 bolli sterkt kaffi

1/2 bolli mjólk

1 tsk vanilla

bætt í.

 

1 1/3 bolli hveiti

2 tsk lyftiduft

1/2 tsk natron

1/3 bolli kakó

blandað vel saman og bætt í hrært létt saman.

 

Ef hefðbundin þá sett í 22-24 cm form og bakað í ca. 30 mínútur við 200 °C (180°ef blástur).

Kælt á grind, annað hvort smurt með súkkulaðiganacé sem gert er þannig að 150 gr súkkulaði og  1/2 - 1 dl rjómi hitað saman í potti, kælt aðeins og smurt yfir.

Einnig hagt að skera botninn í sundur og setja súkkulaði smjörkrem (sjá uppskrift neðar) á milli og síðan smurt með  súkkulaðiganacé eða súkkulaðismjörkremi.

 

Muffins  

Þá sama uppskrift en um leið og þurrefnunum er bætt í þá er einnig bætt í 100 - 150 gr súkkulaðidropar.

Sett í muffinsform (fyllt ca. 2/3 og bakað við 200 °C (180 í blástri) í 20 - 30 mínútur.

Dugar í 18 - 24 muffins 

Kælt og síðan annað hvort smurt yfir með súkkulaðiganacé (sjá ofar) eða sett súkkulaðismjörkrem yfir.

 

Súkkulaðismjörkrem:

200 gr mjúkt smjör eða smjörlíki

500 gr. flórsykur

2-4 msk kakó

1 egg

1-2 tsk vanilludropar eða rommdropar

Allt hrært vel saman. 

 

 

Súkkulaðibita muffins 

 

Kornflexkjúklingur

 

 

 

  

  

 

 

 

 

Átti fullstóran lager af Kornflexi þá ákvað ég að prufa að gera Kornflexkjúkling, ekki kannski það hollasta en það má nú sukka stundum 

 

 

 

 

 

 

 

 

 

 

 

 

 

 

 

 

Fyrst er að skera kartöflurnar í hæfilega "stafi" 

 

 

 

 

 

 

 

 

Láta í skál og kalt vatn látið renna yfir í 1/2 til 1 klukkustund 

 

 

 

 

 

 

 

 

Sigta vatnið frá 

 

 

 

 

 

 

 

 

Þerra vel á viskustykki eða sambærilegu.  

 

 

 

 

 

 

 

 

Steikja tvisvar sinnum, fyrst við láan hita, láta leka vel af kartöflunum og steikja svo stutta stund við háan hita. 

Aðferð við kjúklinginn. 

 

Blanda saman í skál, 1-2 dl súrmjólk, 1-2 teskeið af Dijon sinnepi, 1 teskeið karrý og vel af kjúklingakryddi

 

 

 

 

 

 

 

 

Hrært vel saman.

 

 

 

 

 

 

 

Brytja skinnlausa kjúklingabringu í munnstóra bita. 

 

 

 

 

 

 

 

 

Sett út í súrmjólkurblönduna. 

 

 

 

 

 

 

 

 

Blandað vel saman og látið standa í 1-2 klukkustundir. 

 

 

 

 

 

 

 

 

Mylja smátt 3-4 bolla af kornflexi. 

 

 

 

 

 

 

 

 

 

 

 

 

 

Velta kjúklingabitunum upp úr kornflexinu (taka mest af súrmjólkurblöndunni af fyrst) og djúpsteikja í feiti. 

 

 

  

 

 

 

 

 

 

 

 

 

 

Tilbúið og borið fram með blönduðu salati með gúrku og kokteiltómötum. Sósan góða (frá Kittu) helt yfir grænmetið.

 

Bragðaðist alveg ljómandi vel. 

Flögufiskur

Var að vandræðast með hvað ætti að hafa í kvöldmatinn sem okkur báðum myndi líka. Þá kom hún Sólrún minn ágæti vinnufélagi með þessa uppskrift, sem ég að vísu hef aðeins breytt og er mín útgáfa hér. 

 

 

 

 

 

 

 

 

Hráefnið er Soðið bygg, þorskur, púrrulaukur, ostasósa, paprikuflögur og ostur 

 

 

 

 

 

 

 

 

Setja soðið bygg í botninn á eldföstu móti. 

 

 

 

 

 

 

 

 

Setja fiskinn í litlum bitum yfir, krydda með Aromat eða fiskikryddi 

 

 

 

 

 

 

 

 

Strá söxuðum púrrulauk yfir 

 

 

 

 

 

 

 

 

Sjóða saman smurost að eigin vali (ég notaði til heminga rækjuost og texmexost) og mjólk/rjóma  

 

 

 

 

 

 

 

 

Mylja flögur yfir. Má vera hvaða tegund sem er, en ég notaði núna paprikuflögur. 

 

 

 

 

 

 

 

 

Rifinn ostur yfir allt saman. Í ofn við 200 °C þar til osturinn fallega gullinn.

 

  

 

 

 

 

 

 

Tilbúinn rétturinn, hefði verið kjörið að hafa salat með en gleymdi að kaupa í það.

Smakkaðist alveg ljómandi og báðar saddar og sælar á eftir.